Днём 23 верасня стала вядома пра здарэнне ў сярэдняй школе № 16 (па вуліцы Бірузова). Там забілі 13-гадовага падлетка.
Ва Упраўленні Следчага камітэта па г. Мінску паведамілі, што труп непаўналетняга з колата-рэзаным раненнем у вобласці грудзей быў знойдзены сёння ў Фрунзенскім раёне. Пакуль дакладна не паведамляецца, дзе менавіта адбылося злачынства і дзе было знойдзена цела. У школе што-небудзь каментаваць адмовіліся:
«Прабачце, калі ласка, але тут такая сітуацыя, што мы не можам з вамі гутарыць.
Як паведамілі ў Следчым камітэце, па гарачых слядах супрацоўнікамі ўпраўлення крымінальнага вышуку Фрунзенскага РУУС быў затрыманы падазраваны ў здзяйсненні злачынства. Ім аказаўся малады чалавек 1994 года нараджэння.
Матывы злачынства высвятляюцца, распачата крымінальная справа па факце забойства пры абцяжваючых абставінах.
Для працы па справе створана следчая група з ліку найбольш дасведчаных супрацоўнікаў упраўлення. Следча-аператыўная група ўжо правяла агляд месца здарэння з удзелам спецыялістаў Дзяржаўнага камітэта судовых экспертыз, а таксама шэраг іншых аглядаў, у ходзе якіх выяўленыя і канфіскаваныя прадметы, якія маюць доказнае значэнне па справе.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3518
Каментары