Мужчынская зборнай Беларусі па тэнісе пасьля пройгрышу ад Пэру выбыла з сусьветнай эліты.
Наша мужчынская каманда не змагла гэтымі выходнымі пераадолець пэруанскі бар’ер. У высакагорнай Ліме гаспадары кортаў аказаліся на галаву мацнейшымі за беларусаў. Мы трапілі на Пэру, бо ў лютым дома прайгралі швэдам, таму трэба было пацьвярджаць статус каманды з эліты Кубку Дэвіса. Два гады таму такая задача ў Канадзе была выкананая, сёлета – не.
Першы дзень спаборніцтваў скончыўся пераканаўчым трыюмфам пэруанцаў. Мірны і Ваўчкоў прайгралі адпаведна Івану Мірандзе і Люісу Хорне. Аднак пара Ваўчкоў – Мірны была істотна мацней за паўднёваамрэканскі дуэт Сільва – Міранда. Пасьля двух дзён лік быў 2:1 на карысьць гаспадароў.
Вырашальным аказаўся матч двух лідэраў – Мірнага і Хорны. Хаця Макс і змог навязаць цяжкую гульню пэруанцу, аднак канчатковы вынік не на яго карысьць – 4:6, 5:7, 6:4, 6:7. Апошняя гульня ўжо нічога не вырашала, таму замест Ваўчкова на корт выйшаў малады Андрэй Каратчэня, які прайграў рэзэрвісту інкаў Сільве – 4:6, 4:6.
Зборная Беларусі вылецела ў 1-ую Эўра-Афрыканскую групу, зь якой і выйшла ў эліту чатыры гады таму. Найбольшым дасягненьнем нашай каманды за гэты час быў выхад у паўфінал розыгрышу Кубку Дэвіса ў 2004 годзе.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары