Памёр журналіст Мікалай Ільюшэнка, ён быў паранены ў часе тэракта ў метро
У Мінску памёр журналіст, былы намеснік галоўнага рэдактара газеты «Вечерний Минск» Мікалай Ільюшэнка. Пра гэта БелаПАН паведаміў былы галоўны рэдактар выдання Сяргей Сверкуноў.
Мікалай Ільюшэнка нарадзіўся ў 1949 годзе, працаваў у газеце «Вечерний Минск» са студзеня 1991 года па чэрвень 2009 года. Пахаванне адбудзецца 5 лістапада.
Грамадзянская паніхіда пройдзе ў 12.00 па адрасе вул. Прытыцкага, 48, кв. 119.
«Мы працавалі разам больш як 20 гадоў, — сказаў Сверкуноў. — Гэта быў журналіст ад Бога, надзелены талентам і здольнасцямі. Ён быў чалавек творчы і цікаўны, у яго была страсць да пазнання новага.
І хоць з ім было працаваць не заўсёды проста, але заўсёды — цікава. Ён умеў працаваць з людзьмі, і стаўленне супрацоўнікаў да яго заўсёды было добрае».
Паводле слоў Сверкунова, менавіта Ільюшэнка займаўся стварэннем сайта газеты «Вечерний Минск», які ў канцы 90-х гадоў стаў першым беларускім газетным сайтам у інтэрнэце.
«У свой час на першай выставе tibo гэта было ацэнена, і мы атрымалі прыз», — зазначыў Сверкуноў.
Ён падкрэсліў, што Ільюшэнка моцна пацярпеў падчас тэракта ў мінскім метро ў красавіку 2011 года і перанёс больш як 12 аперацый, апошняя з якіх была летам.
«Думаю, тое што здарылася, — гэта ўсё наступствы таго тэракта», — сказаў ён.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі34
Каментары