Два практыканты мінскага каледжа ў розныя дні з'яўляліся на вытворчасць у стане наркатычнага ап'янення.
Навучэнцы аднаго са сталічных каледжаў праходзілі вытворчую практыку ў цэху на Мінскім трактарным заводзе. У момант азнаямлення з прадпрыемствам маладыя людзі паводзілі сябе неадэкватна, чым прыцягнулі ўвагу работнікаў. Ахова завода выклікала супрацоўнікаў міліцыі, каб устанавіць прычыну іх дзіўных паводзінаў.
Як высветлілася, у абодвух выпадках 17-гадовыя навучэнцы знаходзіліся пад уздзеяннем асабліва небяспечнага псіхатропнага рэчыва спайс.
У першым выпадку малады чалавек расказаў, што ўжо даўно захапляецца ўжываннем курыльных сумесяў і затрыманнем здзіўлены не быў. Пры сабе ў хлопца была яшчэ адна доза псіхатропнага рэчыва.
Другі практыкант у поле зроку міліцыі трапляў упершыню. На працягу ўсёй гутаркі затрыманы не мог нармальна размаўляць і рэагаваць на пытанні міліцыі. У маладога чалавека пастаянна ўзнікалі галюцынацыі і некантраляваныя дзеянні. Пры сабе ў хлопца была курыльная трубка, напоўненая спайсам.
У дачыненні да маладых людзей распачатыя крымінальныя справы. Праводзяцца следчыя дзеянні.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары