Чарговы валанцёрскі выезд у бліжэйшую суботу, 16 лістапада.
Касцёл Унебаўзяцця Найсвяцейшай Марыі Панны ў Зембіне 1809 г. унікальны помнік архітэктуры. Аб’ект, якім скончана эпоха барока ў Беларусі. Касцёл пры кляштары дамініканаў, касцёл які памятае і вайну 1812 г., і Напалеона, які адпачываў тут пасля Бярэзінскай пераправы, і паўстанне 1863 г., і падзеі савецка-польскай вайны 1920 г., і татальнае змаганне з верай, і страшныя для Беларусі падзеі 1941–1944 гг.
Ні войны, ні іншыя гістарычныя катаклізмы не паўплывалі на касцёл. Паўплывала людская абыякавасць.
Яшчэ 30 год таму ў будынка быў дах і былі захаваны канструкцыі скляпенняў. Зараз толькі сцены, толькі перыметр, ды шыкоўны франтон на галоўным фасадзе.
Побач з касцёлам – старыя могілкі з пахаваннямі кан. 18 – пач. 20 стст. І руіны і могілкі патрабуюць дагляду і таму не першы год Беларускае добраахвотнае таварыства аховы помнікаў стараецца палепшыць сітуацыю з помнікам, калі дакументальнай працай, калі арганізуючы валанцёрскія дэсанты. І зараз рыхтуецца чарговы валанцёрскі выезд на бліжэйшую суботу, 16 лістапада 2013 г.
Запрашаем усіх ахвочых прыняць удзел у мерапрыемстве і звяртаемся да журналісцкай супольнасці. Нам патрэбна Ваша падтрымка, Ваша прысутнасць на мерапрыемстве, бо праблема патрабуе асвятлення.
Праблема захавання касцёла хвалюе невялічкую мясцовую парафію, хвалюе сяброў Таварыства, мясцовы сельсавет, але не знаходзіць ні водгуку, ні крокаў насустрач з боку райвыканкаму.
Усе жадаючыя прыняць удзел у мерапрыемстве можаце запісацца па тэл. +375 29 111 73 32 ці па электроннаму адрасу: [email protected]
Мерапрыемства адбудзецца пры падтрымцы і ў межах агульнанацыянальнай кампаніі 16 лістапада «Будзьма беларусамі».
Каментары