У ЕС згодныя адысці ад пратаколу і гатовыя прыняць рашэнне па Украіне ў апошні момант, паколькі гэта дапаможа ўтрымаць Расею ў заходняй цывілізацыі. Аб такой сваёй пазіцыі ў інтэрв'ю «Украінскай праўдзе» распавёў пасол Літвы ў Украіне Пятрас Вайтэкунас.
«На маю думку, нашай суперзадачай з'яўляецца Расія – не аддаць Расію, не страціць Расію», – сказаў ён. «Не страціць саму Расею як краіну, якая патэнцыйна ў будучыні, на мой погляд, будзе належаць заходняй цывілізацыі», – дадаў Вайтэкунас.
«Паварот такой вялізнай адзінкі як Украіна ў бок Мытнага саюза там падыме хвалю рэваншызму, непацверджаных, неабгрунтаваных чаканняў: маўляў, хлопцы, калі мы маглі павярнуць назад Украіну, то мы можам вярнуць назад усё: ход гісторыі, і стварыць штосьці ў процівагу Захаду», – растлумачыў ён. «Для выканання гэтай суперзадачы – не страціць Расію – па-першае, трэба не страціць Украіну», – падкрэсліў Вайтэкунас.
Адказваючы на пытанне аб тым, калі можа быць прынята рашэнне па пагадненні Украіны аб асацыяцыі з ЕС, пасол Літвы выказаў здагадку, што гэта можа адбыцца ў апошнія гадзіны перад самітам.
«Гэта рашэнне будзе прымацца на саміце 28–29 лістапада ў Вільні. І падобна на тое, што гэта рашэнне будзе прымацца не ў апошнія дні, а ў апошнія гадзіны або нават апошнія хвіліны», – дадаў ён.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы5
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары