Як паведаміла прадстаўнік Следчага камітэта Таццяна Беланог, 24-гадовы ураджэнец Брэсцкай вобласці знаходзіўся ў міжнародным вышуку па падазрэнні ў махлярстве.
«Устаноўлена, што ў перыяд з ліпеня 2010 па верасень 2011 зламыснік пад рознымі надуманымі прычынамі і абавязальніцтвамі завалодаў грашыма і маёмасцю грамадзян на тэрыторыі Брэсцкай, Гродзенскай, Мінскай абласцей. Схемы махлярства і сумы пазыкі былі розныя. У адных выпадках ён пазычаў 100 даляраў для асабістых патрэбаў, у іншых — браў звыш 7000 даляраў нібыта для аказання дапамогі ў набыцці і дастаўцы з-за мяжы аўтамабіля. Пры гэтым у прызначаны тэрмін грошы і аўтамабіль не вяртаў»,
— расказала Беланог.
Падчас папярэдняга следства выяўлены 54 эпізоды, у выніку якіх у 21 пацярпелага скрадзены грошы і маёмасць больш чым на 100 тысяч даляраў.
Падазраваны быў затрыманы ў Санкт-Пецярбургу і экстрадзіраваны ў Беларусь. Знаходзіцца пад вартай.
Матэрыялы справы перададзены ў пракуратуру для накіравання ў суд.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы48
Каментары