У Аўстраліі з-за моцнай спякоты сталі масава паміраць лятучыя мышы.
У штаце Квінсленд на паўночным усходзе краіны ў пачатку студзеня тэмпература перавышала 43 градусы па шкале Цэльсія. Гэта прывяло да таго, што ў штаце за некалькі дзён цалкам вымерлі 25 калоній кажаноў, агульная колькасць якіх перавышала 100 тысяч асобін. З-за спякоты большасць жывёл гінулі непасрэдна падчас палёту і падалі на зямлю.
Па меншай меры 16 чалавек звярнуліся па медыцынскую дапамогу з-за раненняў, нанесеных ім кажанамі. Улады штата рэкамендавалі жыхарам не ўступаць у кантакт з жывёламі, каб пазбегнуць заражэння інфекцыямі.
Для ўборкі трупаў кажаноў у буйных гарадах рэгіёну ўладамі былі задзейнічаны ўзмоцненыя брыгады смеццяроў.
Да цяперашняга часу тэмпература ў Квінслендзе апусцілася да нармальных значэнняў для бягучага сезона (у паўднёвым паўшар'і цяпер сярэдзіна лета) і складае 30—35 градусаў Цэльсія.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны26
Каментары