Распачата крымінальная справа па факце нанясення ўрону дзяржаве пры мадэрнізацыі ААТ «Віцебскдрэў», паведаміў журналістам 7 лютага ў Мінску генеральны пракурор Беларусі Аляксандр Канюк.
Паводле яго слоў, у межах расследавання будуць устаноўлены вінаватыя і вызначана сума нанесенага ўрону, а таксама высветлена прычына, па якой прадпрыемства не было ўведзена ў строй ва ўстаноўленыя тэрміны.
Цяпер у межах гэтай крымінальнай справы праводзіцца пракурорская праверка, сказаў Канюк.
Ён заявіў, што Генпракуратура сёння мае намер надаваць павышаную ўвагу пытанням рацыянальнага выкарыстання бюджэтных сродкаў у краіне, а таксама барацьбе з безгаспадарлівасцю.
Пры гэтым генпракурор паабяцаў, што «ніякага палявання на ведзьмаў не будзе».
31 студзеня Аляксандр Лукашэнка правёў нараду аб стане і перспектывах развіцця арганізацый канцэрна «Беллеспаперапрам». Ён рэзка раскрытыкаваў чыноўнікаў за зрыў тэрмінаў мадэрнізацыі «Віцебскдрэва» і запатрабаваў прааналізаваць урон у межах крымінальнай справы.
Звяртаючыся да кіраўніка Адміністрацыі прэзідэнта Андрэя Кабякова, Лукашэнка даручыў: «Запрасіце генеральнага пракурора і даручыце ў межах крымінальнай справы разгледзець усе пытанні і палічыць страты. Са мной узгадняць не трэба. Калі трэба за кімсьці сачыць аператыўна, саджаць у следчы ізалятар — саджайце».
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары