Амерыканскі бок на сустрэчы ў Осла паспрабуе пераканаць прэзідэнта Украіны Уладзіміра Зяленскага пагадзіцца на тэрытарыяльныя саступкі дзеля пагаднення з Расіяй. Пра гэта піша The New York Times.
Прэзідэнт ЗША Дональд Трамп усё больш рашуча мае намер навязаць Зяленскаму здзелку. ЗША хочуць патлумачыць украінскаму лідару, што ўтрымліваць тэрыторыі не варта. Больш за тое, Украіна таксама зможа «зарабіць», калі адмовіцца ад пярэчанняў супраць пагаднення.
Памочнікі Трампа называюць цяперашні момант пераломным і настойваюць, што Зяленскі павінен даказаць гатоўнасць дамаўляцца з Расіяй, нават калі гэта азначае адмову ад тэрыторыі.
«Менавіта такім будзе амерыканскае пасланне Зяленскаму ў аўторак у Осла», — піша NYT.
20 кастрычніка з украінскім прэзідэнтам сустрэнецца спецпасланнік Трампа Стыў Уіткаф. Зяць прэзідэнта ЗША Джарэд Кушнер далучыцца дыстанцыйна, бо захварэў. У абмеркаванні таксама возьмуць удзел прэм'ер Нарвегіі Ёнас Гар Сцёрэ і прэзідэнт Фінляндыі Аляксандр Стуб. Пасля перамоваў у Осла Уіткаф мае намер паехаць у Маскву.
Паводле даных Axios, перад паездкай амерыканскія перагаворшчыкі падалі Трампу абноўлены план урэгулявання і атрымалі ад яго інструкцыі. У Осла таксама чакаюцца прадстаўнікі групы E4, куды ўваходзяць Вялікабрытанія, Германія, Францыя і Польшча, Еўрасаюза і НАТА.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Аддайце яму, Гітлеру, Судеты і ен паабяцае больш ніколі ні на каго не нападаць.
Аддайце злачынцу ўсе тое што ен запісаў у сваю канстытуцыю, задавольце ўсе яго хацелі і тады, можа быць, мы (тыя хто капітулюе перад агрэсарам) дадзім вам нейкія там гарантыі якія ніколі не будзем выконваць.