Холдынг «СКМ» алігарха Рыната Ахметава, лічыць неабходным правядзенне ў краіне рэформаў, укараненне эфектыўных механізмаў дзяржкіравання, істотнае пашырэнне паўнамоцтваў мясцовых органаў кіравання і павышэння празрыстасці і адказнасці ўлады перад грамадзянскай супольнасцю.
Пра гэта гаворыцца ў заяве СКM.
«Мы верым, што патэнцыял Украіны велізарны. Мы, як усе ўкраінцы, імкнемся да стварэння новай краіны. У якой будуць устаноўлены дэмакратыя і вяршэнства права, якія забяспечваюць абарону уласнасці, свабодную канкурэнцыю і сацыяльную абарону», — гаворыцца ў заяве.
СКМ заяўляе, што гатовы да ўкаранення новай сістэмы каардынатаў і да працы ў ёй.
«Мы будзем садзейнічаць усімі даступнымі спосабамі дасягненню пазначаных мэтаў дзеля росквіту Украіны», — падкрэсліваецца ў заяве.
СКМ адзначае, што падзеі апошніх трох месяцаў сталі трагічнай старонкай гісторыі Украіны, і разам з усёй краінай смуткуе па загінулых і выказвае глыбокае спачуванне іх родным і блізкім.
У групу «СКМ» уваходзяць найбуйнейшы ва Украіне горна-металургічны холдынг «Метінвест» і энергахолдынг ДТЕК, банкі ПУМБ і «Рэнесанс-Капітал», телекамгрупа Vega, Медыя Група «Украіна» і выдавецкі холдынг «Сёння Мультымедыя» і інш.
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць21
Каментары