28 лютага ў 18.30 у гродзенскай галерэі «Крыга» адбудзецца лекцыя-размова на тэму «Мястэчкі ў гістарычнай прасторы Беларусі».
Кажуць, што беларуская нацыя згубілася недзе па дарозе з вёскі ў горад. Можа, у мястэчку? Гісторык Іна Соркіна перакананая, што мястэчка — гэта не толькі пераходны паміж вёскай і горадам тып паселішча, а што гэта самадастатковая адметная з'ява грамадскага, побытавага і культурнага жыцця Беларусі, мікрамадэль Беларусі, наш гістарычны брэнд.
У чым феномен мястэчак?
Што такое штэтл? Выспа цэласнага габрэйскага свету ў акіяне чужой цывілізацыі? Арганічная частка культурнага ландшафту Беларусі, унікальны прыклад інтэграцыі ў беларускае асяроддзе габрэйскага насельніцтва з захаваннем сваёй нацыянальнай культуры? Што дало беларусам працяглае суседства з габрэямі на адной сацыякультурнай і эканамічнай прасторы? Слухачы запрашаюцца да развагаў на гэтыя ды іншыя пытанні з гісторыі нашых мястэчак.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд33
Каментары