Дэпутаты палаты прадстаўнікоў спадзяюцца на канструктыўнае развіццё падзей ва Украіне
«Беларускія парламентарыі выказваюць надзею, што падзеі ў брацкай Украіне будуць развівацца ў канструктыўным рэчышчы пры безумоўным выкананні прынцыпаў вяршэнства закона, павагі правоў і інтарэсаў усіх грамадзян краіны».
Пра гэта заявіў старшыня палаты прадстаўнікоў нацыянальнага сходу Уладзімір Андрэйчанка, адкрываючы 2 красавіка ў Мінску чацвёртую сесію ніжняй палаты пятага склікання.
У Андрэйчанкі выклікае трывогу тое, што сітуацыя ў свеце, каля беларускіх межаў, «не становіцца больш спакойнай». «Мы не можам быць абыякавымі да падзей ва Украіне. На працягу многіх стагоддзяў беларускі, рускі і ўкраінскі народы звязвалі агульная гісторыя і культура, паразуменне, імкненне да добрасуседскіх адносін, міру і згоды», — заявіў спікер. Ён выказаў упэўненасць, што «гэтыя каштоўнасці будуць і надалей вызначаць развіццё адносін паміж нашымі народамі».
Што да сітуацыі ў самой Беларусі, то, як лічыць Андрэйчанка, «выснова відавочная — народ падтрымлівае ўладу, якая робіць усё, каб грамадзяне Рэспублікі Беларусь жылі ў паспяховай краіне, якая дынамічна развіваецца, камфортнай для пражывання».
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе12
Каментары