У Мінску пачалося адключэнне ацяплення ў жылым сектары.
Аб гэтым паведаміў сёння журналістам начальнік упраўлення гарадской гаспадаркі і энергетыкі Мінгарвыканкама Дзмітрый Янчы
«Згодна з правіламі адключэнне ацяплення праводзіцца, калі на працягу трох дзён сярэднясутачная тэмпература складае плюс 8 градусаў. У Мінску ўжо ўстойлівая плюсавая тэмпература, а на выхадныя прагназуецца да 20 градусаў цяпла.
Сёння старшынёй Мінгарвыканкама было падпісана распараджэнне аб адключэнні ацяплення ва ўсіх катэгорый спажыўцоў. Да панядзелка падача цяпла ў Мінску будзе спынена», - сказаў Дзмітрый Янчык.
Адначасова з жылымі дамамі ацяпленне будзе адключацца ў гасцініцах, інтэрнатах, навучальных установах, дзіцячых садках, школах, бальніцах, іншых медыцынскіх і сацыяльных установах, а таксама музеях, дзяржаўных архівах, бібліятэках.
Падача цяпла ў грамадскіх, адміністрацыйных будынках і прамысловых прадпрыемствах была спынена ў Мінску з 25 сакавіка.
Былога супрацоўніка контрразведкі КДБ арыштавалі за здраду дзяржаве9
Каментары