Расійска-амерыканскі гісторык Юрый Фяльштынскі ў інтэрв'ю польскай і ўкраінскай прэсе 16 красавіка выказаў думку, што наступным крокам пуцінскай палітыкі будзе далучэнне Беларусі. Інтэрв'ю выставіў 25 красавіка ў сваім блогу Андрэй Іларыёнаў.
«Крым — гэта першы этап вялікага плана. Любы вялікі план складаецца з некалькіх частак.
Адна з іх, вядома ж, далучэнне Украіны да Расіі. Ёсць частка па далучэнні Беларусі. Ёсць і нейкія іншыя часткі, пра якія мы можам толькі здагадвацца.
Напрыклад, даволі шмат у апошні час афіцыйныя асобы Расіі кажуць аб Прыднястроўі, а туды інакш як праз Украіну не патрапіць. (…)
На хвалі грамадзянскай вайны расійская армія ўвойдзе ва Украіну, як увайшоў Сталін ва ўсходнюю Польшчу, «вызваляючы» ўкраінскіх і беларускіх братоў ад польскага прыгнёту. Наступная задача — далучэнне Беларусі.
Але гэтая задача, як здаецца Крамлю, вельмі простая. Беларусь ніколі не была незалежнай дзяржавай, і гэта будзе адным з галоўных аргументаў Крамля.
Стратэгічна Беларусь дае вельмі важныя для Расіі выхады да ўсходнееўрапейскіх межаў. Гэта і Літва, і Заходняя Украіна, і Польшча. Так што тры геапалітычныя задачы Пуціна ўжо пазначаныя: Украіна, Беларусь і Малдова (Прыднястроўе).
Арганізаваць беспарадкі ў Беларусі будзе вельмі проста. Лукашэнка на Захадзе не папулярны, яго абараняць ніхто не будзе.
Самастойна выстаяць і выжыць у яго шанцаў няма. Г.зн. на самай справе ён існуе толькі да таго часу, пакуль Пуцін яму дазваляе існаваць. Лукашэнка гэта сам разумее. Няма саступак, якія ён мог бы зрабіць і якія б Пуцін прыняў як плату за захаванне незалежнай Беларуссю.
Захоп Беларусі можна ажыццявіць за вельмі кароткі тэрмін.
Калі Беларусь будзе захоплена, можна адразу ўваходзіць у Заходнюю Украіну, г.зн. таптаць танкамі не Усходнюю Украіну, а Заходнюю. Так што Крым быў першым вітком агрэсіі.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары