У маі індэкс спажывецкіх цэн на тавары і паслугі ў Беларусі вырас у параўнанні з красавіком на 2,2% і на 8,9% — у параўнанні са снежнем 2013 года, паведамляе прэс-служба Нацыянальнага статыстычнага камітэта.
Цэны на харчовыя тавары ў маі гэтага года ў параўнанні з красавіком выраслі на 3,5%. Найболей значна падаражэлі мяса і птушка — на 14,7%, бульба — на 6,6%, каўбасныя вырабы і вэнджаніна — на 5,7%, рыба і морапрадукты — на 3,2%. Знізіліся цэны на масла — на 0,3%, алей — на 1,2%, яйкі — на 2,8%, садавіну — на 0,9%, агародніну — на 14,2%.
Цэны на нехарчовыя тавары ў маі ў параўнанні з красавіком павялічыліся на 0,5%, з пачатку года — на 2,3%.
Нагадаем, афіцыйны гадавы прагноз інфляцыі складае 11%, аднак можа быць перагледжаны ў горшы бок. У 2013 годзе інфляцыя ў Беларусі склала 16,5%.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары