Apple запатэнтавала тэхналогію стварэння шклянога смартфона
Кампанія Apple запатэнтавала тэхналогію вытворчасці прылад, цалкам зробленых са шкла — ад iPhone і iPad да манітораў і тэлевізараў.
Як піша Apple Insider, сутнасць вынаходкі заключаецца ў папластовым накладанні шкляных панэляў і наступным злучэнні іх адна з адной з дапамогай тэрмаўздзеяння.
У выніку, гаворыцца ў патэнце, атрымліваецца даволі тоўсты кавалак матэрыялу, які можа быць падвергнуты механічнай апрацоўцы для атрымання жаданай формы. Далей у цалкам шкляным корпусе могуць быць зробленыя адтуліны для кнопак і іншых элементаў кіравання, змешчаны ўнутр дысплей, электроніка і іншыя кампаненты.
Задняя панэль, пішуць інжынеры Apple, можа быць таніраваная да напаўпразрыстага або непразрыстага стану, каб схаваць ад вачэй акумулятар, гнуткія кабелі і іншае начынне.
Заяўка на патэнт была пададзеная яшчэ ў 2013 годзе, а пацверджаная 8 ліпеня 2014 года. Сярод аўтараў патэнта — галоўны дызайнер кампаніі Джоні Айв. Аднак рэгістрацыя Apple аўтарскіх правоў на шкляны «айфон» не азначае, што такі паступіць у продаж. Кампанія часта атрымлівае патэнты «на ўсялякі выпадак», таму прыдуманыя ёй ідэі могуць быць ніколі не рэалізаваныя ў камерцыйных прадуктах.
-
Навукоўцы назвалі самыя несумленныя краіны свету. Еўрапейцам і тут ёсць чым ганарыцца
-
Як зрабіць дрон амаль нябачным? Навукоўцы прапанавалі нечакана простае рашэнне
-
Ён нагадвае марскога ската: амерыканскі стартап стварыў самалёт без звыклых крылаў і ілюмінатараў, які можа стаць новай старонкай у авіяцыі
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары