Стралкоў (Гіркін) прызнаў стратэгічную паразу баевікоў пад Луганскам: «Паўтор Славянска»
Важак тэрарыстаў Данбаса назваў сітуацыю баевікоў «вельмі кепскай».
«Учора праціўнік перарэзаў апошнюю асноўную трасу, што звязвала Данецк з Луганскам і, адпаведна, з Расіяй, — заявіў «галоўнакамандуючы арміяй ДНР» для сяброўскіх інтэрнэт-рэсурсаў (захоўваем стылістыку арыгінала), — Апорныя пункты праціўніка размешчаны цяпер у пасёлках Белае і Вясёлая Тарасаўка. Цяпер укры закопваюць у зямлю некалькі дзясяткаў танкаў і БМП, каб выключыць магчымасць прарыву абароны». І ён ізноў ускосна прызнае, што баевікі атрымліваюць зброю з Расіі: «Здача Белага і Вясёлай Тарасаўкі — гэта стратэгічная параза. Цяпер нас адсякаюць ад мяжы — гэта значыць, ад любога забеспячэння».
Палкоўнік Стралкоў-Гіркін прызнаў таксама вялікую паразу пад Данецкам. «Уначы праціўнік прайшоў праз Тоненькае да аэрапорта Данецка, стварыўшы сетку апорных пунктаў, кожны з якіх абаронены пяццю-сямю танкамі».
Стралкоў-Гіркін, які вылучаецца цынічнай шчырасцю, горка крытыкуе «сваю інтэрнэт-армію»: «Бравурныя паведамленні, як яны дасталі! «Апалчэнне перамагае!» Ага, два разы!.. Адзін да аднаго паўтараецца сітуацыя са Славянскам — праціўнік, прасоўваючыся, рэжа нам камунікацыі, а ў твітарах гучыць «Все хорошо, прекрасная маркіза…»
Гэтым пацвердзілася заява ўкраінскага Мінабароны і допісы карыстальнікаў сацыяльных сетак, што ўчора ўкраінскія сілы дасягнулі вырашальнага поспеху пад Луганскам і Данецкам. Былі разблакаваны аэрапорты Данецка і Луганска і заняты паўднёва-ўсходнія ўскраіны Луганска.
Кола вакол тэрарыстаў замкнулася. Зараз уратаваць іх зможа толькі адкрытае ваеннае ўмяшанне Расіі.
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
-
Трамп спяшаецца падпісаць мір з Іранам да свайго 80-годдзя, але Тэгеран не збіраецца рабіць такога падарунка
-
Партыі сябра Лукашэнкі не хапіла каля 160 галасоў з усёй Арменіі, каб трапіць у парламент
Каментары