Прыгаворам суда Кастрычніцкага раёна Магілёва асуджаны 23-гадовы магілёвец за выраб і распаўсюджванне парнаграфічных матэрыялаў, прадметаў парнаграфічнага характару, у тым ліку з выявай непаўналетніх.
Як сказала старшы памочнік пракурора Магілёўскай вобласці Ала Кузняцова, асуджаны ва ўласнай анкеце на адным з сайтаў стварыў групы для зносін і абмену інфармацыяй, у якіх размясціў файлы, што адносяцца, згодна з заключэннямі мастацтвазнаўчых экспертыз, да прадукцыі парнаграфічнага характару, забароненых да тыражыравання і распаўсюджвання.
У ходзе папярэдняга расследавання па крымінальнай справе ўстаноўлена, што абвінавачваны ствараў адпаведныя групы ў 2010-2011 гадах. На працягу наступных гадоў для прыцягнення ў іх большай колькасці карыстальнікаў размяшчаў графічныя выявы і відэафайлы парнаграфічнага характару, у тым ліку з удзелам непаўналетніх.
Прыгаворам суда магілёўцу прызначана пакаранне ў выглядзе пазбаўлення волі тэрмінам на 3 гады ў папраўчай калоніі ва ўмовах узмоцненага рэжыму.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску11
Каментары