Дарадца лідара прарасійскіх баевікоў Ігара Стралкова, Ігар Друзь, пацвердзіў у размове з Бі-бі-сі выпадкі «расстрэлаў за цяжкія злачынствы ва ўмовах надзвычайнага становішча» на кантраляваных тэрыторыях.
Па словах апалчэнца, яго паплечнікі ўпэўненыя ў перамозе над украінскім урадам, які ён назваў «кіеўскімі тэрарыстамі».
Як сцвярджае Друзь,
баевікі-апалчэнцы маюць намер пабудаваць «сацыяльную дзяржаву», якая будзе абараняць «хрысціянскія каштоўнасці» і караць «грамадскія заганы».
Дарадца Стралкова не сумняваецца, што большасць «членаў апалчэння» падтрымлівае ўвядзенне смяротнага пакарання за цяжкія злачынствы.
Прадстаўнік Украіны пры НАТА Ігар Далгоў у інтэрв'ю Бі-бі-сі заявіў, што «Данецкая народная рэспубліка» сама з'яўляецца тэрарыстычнай арганізацыяй.
«Вы называеце гэтага чалавека прадстаўніком дзяржавы. Гэта не дзяржава! Непрызнаная Данецкая народная рэспубліка — гэта тэрарыстычная арганізацыя, гэта абсалютна ясна. І тэзісы, якія мы чуем з яе боку, — не іх ўласныя, яны прадыктаваныя Масквой», — пракаментаваў Далгоў інтэрв'ю з Друзем.
Прадстаўнік міністра ўнутраных спраў Украіны заявіў Бі-бі-сі, што калі паведамленні пра пазасудовыя забойствы пацвердзяцца, будзе распачата крымінальная вытворчасць.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў22
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары