У Беларусі ў сярэднім рак малочнай залозы ў III—IV стадыі выяўляецца ў 23% выпадкаў, паведаміла загадчык аддзела анкамамалогіі з анкагінекалагічнай групай Рэспубліканскага навукова-практычнага цэнтра анкалогіі і медыцынскай радыялогіі імя М.М.Аляксандрава Яўгенія Шапавал на прэс-канферэнцыі ў Мінску 19 жніўня.
«Гэта высокі працэнт. Захворванне пры такой стадыі вызначаецца пры візуальнай лакалізацыі. Напрыклад, у ЗША рак малочнай залозы выяўляецца на першай стадыі ў 95% выпадкаў», — сказала Шапавал.
Паводле яе слоў, захворванне на рак малочнай залозы павялічваецца. У 2013 годзе ўпершыню гэта захворванне было выяўлена ў чатырох тысяч беларускіх жанчын.
Шапавал адзначыла, што чым раней выяўляецца рак, тым большая верагоднасць паспяховага лячэння. Так, выжывальнасць на працягу пяці гадоў пры захворванні на рак малочнай залозы I ступені складае 90%, а пры IV — да 10%. У сувязі з гэтым урач заклікала жанчын адказна ставіцца да свайго здароўя і ва ўзросце больш за 50 гадоў праходзіць мамаграфічнае абследаванне без спецыфічных паказанняў.
Спецыяліст адзначыла поспехі страхавой медыцыны ў фарміраванні прыхільнасці да здаровага ладу жыцця і праходжання прафілактычных абследаванняў. У выпадку калі чалавек не выконвае прызначэнні ўрача, у тым ліку не абследуецца, страхоўка не дзейнічае, за лячэнне плаціць сам хворы. У выніку ў развітых краінах «вельмі высокі працэнт ахопу мамаграфічным скрынінгам — 80-90% жанчын адпаведнай узроставай групы».
У Мінску праходзіць пілотны праект па скрынінгу захворвання на рак малочнай залозы, у выніку якога будзе вызначана, як часта і ў якім узросце лепш праходзіць мамаграфію жыхаркам Беларусі. Шапавал адзначыла, што ёсць агульная рэкамендацыя Міжнароднай асацыяцыі па даследаванні захворвання на рак рабіць мамаграфію жанчынам ва ўзросце 50—69 гадоў раз у два гады, але ў розных краінах свой падыход. Так, у Францыі рэкамендуецца рабіць мамаграфію адзін раз у 18 месяцаў, у краінах Прыбалтыкі — раз у тры гады.
Хто тая Аліна, з якой Лукашэнка танцаваў гэтым разам на навагоднім балі18
Каментары