Сёлета спаўняецца сто гадоў з дня нараджэння біскупа Чэслава Сіповіча - першага беларускага грэка-каталіцкага біскупа у ХХ стагоддзі.
Нарадзіўся ён у 1914 годзе, 8 снежня (значыць 25 лістапада паводле юліянскага календара) у сялянскай сям’і ў вёсцы Дзедзінка, у парафіі Ідолта, у Браслаўскім павеце. Сёння вёска называецца Малая Дзедзіна.
У суботу 30 жніўня а 10.00 у капліцы грэка-каталіцкай Парафіі Праведнага Язэпа ў г. Мінску (вул. Арджанікідзе, 6), будзе адслужаная Архіерэйская Літургія з удзелам апостальскага нунцыя ў Беларусі архібіскупа Клаўдзія Гуджэроці.
У нядзелю 31 жніўня ў Друі (Браслаўскі р-н) сумеснае – разам з рыма-каталікамі - святкаванне 100-га Юбілею Біскупа Чэслава.
На свята прыбудуць апостальскі нунцый у Беларусі архібіскуп Клаўдзій Гуджэроці, біскуп віцебскі Алег Буткевіч, апостальскі візітатар для грэка-каталікоў Беларусі архімандрыт Сяргей Гаек, асістэнт апостальскага візітатара для беларусаў замежжа мітрафорнага протаіерэя Аляксандра Надсана айцец Сяргей Стасевіч (Лондан).
15.00 – Акафіст да Багародзіцы.
15.30 – Уводнае слова пра жыццё і дзейнасць біскупа Чэслава Сіповіча прамовіць асістэнт апостальскага візітатара для беларусаў замежжа мітрафорнага протаіерэя Аляксандра Надсана айцец Сяргей Стасевіч.
16.00 гадз. – святая імша ў касцёле Найсвяцейшай Тройцы ў Друі, якую ўзначаліць і прамовіць гамілію апостальскі нунцый у Беларусі архібіскуп Клаўдзій Гуджэроці.
Урачыстае адкрыццё памятнай табліцы з бюстам біскупа Чэслава Сіповіча і асвячэнне абраза св. Юзафа, які напісала мастачка Воля Куваева.
31.08.2014 з Мінска паедзе аўтобусная Пілігрымка ў Друю (праз Браслаў); адпраўленне з Мінска ў 06:30.
Ёсць яшчэ свабодныя месцы, запісы па тэл. +375-29-3098602, с. Вікторыя.
Каментары