У Расіі судзяць блогера за тое, што ў сацсетцы падзяліўся статусам з Украіны
Сёння, 29 верасня, у Чэлябінску пачнецца суд над Канстанцінам Жарынавым, якому пагражае да 4 гадоў пазбаўлення волі за тое, што ён націснуў кнопку «Падзяліцца» ў Вконтакте.
Пазнаёміўшыся з матэрыяламі крымінальнай справы, можна пабачыць у іх схему, па якой лёгка можна пасадзіць любога карыстальніка.
У пачатку сакавіка член аддзялення партыі «Дэмакратычны выбар» Канстанцін Жарынаў перапосціў «Зварот «Правага сектара» да народаў Расеі», у якім украінскія нацыяналісты заклікалі расейцаў аказваць супраціў рэжыму Пуціна, выходзіць на вуліцы, ствараць партызанскія атрады і не верыць прапагандзе.
«Я спадзяюся, што справа да суда не дойдзе», — заяўляў Жарынаў вясной на чэлябінскім партале. І памыляўся: справа да суду дайшла і, мяркуючы па судовай статыстыцы, мае вельмі вялікія шанцы скончыцца абвінаваўчым прысудам.
Крымінальныя «экстрэмісцкія» справы на падставе адных толькі перапостаў — новы трэнд. Так, у сакавіку гэтага года той жа, мабыць, тэкст, але без подпісу «Правага сектара», быў размешчаны супольнасцю Anarcho-News, адкуль яго перанесла на сваю старонку 19-гадовая студэнтка з Іванава Ліза Лісіцына. Праз два тыдні да дзяўчыны прыйшлі з ператрусам з ФСБ і інкрымінавалі арт. 280 КК РФ «Публічныя заклікі да ажыццяўлення экстрэмісцкай дзейнасці».
Цяпер чытаюць
19‑гадовы курсант Акадэміі МУС набіў сабе на лбе мішэнь і паехаў штурмаваць Запарожжа. Ідэя спрацавала24
Каментары