Спробы Захаду аказаць ціск на Расію ў сувязі з крызісам ва Украіне не спрыяюць урэгуляванню сітуацыі ў гэтай краіне, а толькі абцяжарваюць дыялог, заявіў расійскі прэзідэнт Уладзімір Пуцін.
«Нашы партнёры павінны выразна ўсведамляць, што спробы ціску на Расію шляхам аднабаковых, нелегітымных абмежавальных крокаў не набліжаюць урэгуляванне, а толькі ўскладняюць дыялог», — заявіў Пуцін у інтэрв'ю сербскай газеце «Палітыка» напярэдадні візіту ў Бялград.
Расійскі лідар таксама параіў ЗША адмовіцца ад шантажу Расіі і заявіў пра гатоўнасць да канструктыўнага супрацоўніцтва з заходнімі партнёрамі.
«Спадзяемся, што партнёры ўсведамляюць безразважлівасць спробаў шантажаваць Расію, успомняць, чым небяспечны разлад паміж буйнымі ядзернымі дзяржавамі для стратэгічнай стабільнасці», - сказаў ён.
На думку Пуціна, для ўстанаўлення міру ва Украіне неабходны ўнутрыўкраінскі дыялог з удзелам усіх палітычных сіл і рэгіёнаў, у рамках якога неабходна абмеркаваць канстытуцыйны лад краіны.
Цяпер чытаюць
У «айці-вёсцы» пад Мінскам прадалі асабняк за 3,6 млн даляраў. Гэта самы дарагі дом у краіне ў красавіку4
Каментары