Афіцэр батальёна «Азоў» будзе кіраваць міліцыяй Кіеўскай вобласці
Міністр унутраных спраў Украіны Арсен Авакаў прызначыў 35-гадовага намесніка камандзіра батальёна «Азоў» Вадзіма Траяна начальнікам міліцыі Кіеўскай вобласці, паведамляе сайт МУС Украіны.
«Вадзім прыйшоў добраахвотнікам у батальён «Азоў» у траўні месяцы і разам з (камандзірам батальёна) Андрэем Білецкім ды камандай «азоўцаў» вызваляў Марыупаль ад тэрарыстаў, браў удзел у Ілавайскай аперацыі, абараняў Марыупаль ад наступу расейска-фашысцкіх захопнікаў з аўтаматам у руках», — сказаў дарадца міністра МУС Украіны Антон Герашчанка.
«Зараз міліцыя Кіеўскай вобласці стане прыкладам для ўсёй астатняй Украіны. Мы выкарыстаем перадавыя падыходы для рэформы МУС у Кіеўскай вобласці. І я, і цяпер ужо народны дэпутат Андрэй Білецкі, і ўся каманда «Азова» будуць дапамагаць Вадзіму навесці парадак і рэфармаваць міліцыю», — дадаў Герашчанка.
Траян вучыўся ў Харкаўскім універсітэце ўнутраных спраў, з'яўляецца сябрам нацыяналістычнай арганізацыі «Патрыёт Украіны», быў узнагароджаны за баявыя заслугі ордэнам Багдана Хмяльніцкага.
Батальён «Азоў» лічыцца адной з найбольш баяздольных і паспяховых украінскіх добраахвотніцкіх адзінак. Ён вядомы тым, што ў ягоным складзе шмат прыхільнікаў ультраправых поглядаў і футбольных фанатаў. СМІ паведамлялі, што ёсць сярод «азоўцаў» і беларусы.
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні3
Каментары