Грамадзяніна Літвы вінавацяць у шпіянажы на карысць Беларусі: цікавіў кантроль паветранай прасторы
Грамадзяніну Літвы выстаўлена абвінавачванне ў шпіянажы.
Пра гэта паведаміла ў панядзелак Генеральная пракуратура краіны. Крымінальная справа перададзеная ў Віленскі акруговы суд пасля працяглай разведаперацыі Дэпартамента дзяржбяспекі (ДДБ), піша ru.delfi.lt.
Абвінавачаны называецца ініцыяламі Р. Л. У выніку разведвальнай аперацыі было выяўлена, што
ён збіраў сакрэтную інфармацыю на карысць Беларусі. Інфармацыя не была звязаная з палітыкай ці палітыкамі.
Сёння ў Генпракуратуры Літвы адбылася прэс-канферэнцыя з гэтай нагоды. Распавесці пра рэзанансныя падзеі прыехалі генеральны дырэктар Дэпартамента дзяржбяспекі Літвы (ДДБ) Гедымін Грына і намеснік генпракурора Дарус Раўлушайціс.
«Абвінавачванні ў шпіянажы былі прад'яўленыя грамадзяніну Літвы, якога абвінавачваюць у шпіянажы на карысць Беларусі, па заданні беларускіх спецслужбаў. Гэты чалавек працаваў у адной з кампаній, звязаных з кіраваннем палётамі», — заявіў Раўлушайціс.
«Інтэрфакс» паведамляе, што падазраваны працаваў дыспетчарам у кампаніі Oro navigacija. У сваім кабінеце ён фатаграфаваў службовыя дакументы і аб’екты, а пасля перадаваў Галоўнаму разведвальнаму ўпраўленню Генштаба УС Беларусі.
Паводле слоў Раўлушайціса, затрыманы яшчэ адзін чалавек. Але пакуль вядзецца расследаванне ў адносінах да яго. Мяркуецца, што і другая справа неўзабаве апынецца ў судзе. Па словах Раўлушайціса, падазраваных у шпіянажы цікавіла інфармацыя як грамадзянскай, так і вайсковай авіяцыі.
Кіраўнік ДДБ Гедымін Грына сказаў журналістам, што аперацыя доўжылася тры гады, а можа і больш.
«Гэта была досыць складаная аперацыя. Разведчыкам прыйшлося праявіць мудрасць падчас гэтай аперацыі», — сказаў ён.
Начальнік Літоўскага бюро крымінальнай паліцыі Раландас Кішкіс заявіў, што сабрана дастаткова звестак для доказу факту шпіянажу.
ДДБ дадае, што гэта першая такая справа, якая перададзена ў суд пасля таго, як у сілу 1 студзеня 2013 года ўступіў у сілу закон аб разведцы.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары