Украінскі актор Аляксей Гарбуноў, які праславіўся роляй разумнага і мужнага каралеўскага шута Шыко ў расійскім серыяле «Графіня дэ Мансаро», будзе здымацца ў новым украінскім сэрыяле «Гвардыя», паведамілі ўкраінскія СМІ.
Сайт «Новый регион» заявіў, што актор, які толькі што наведаў параненых украінскіх салдат у Днепрапятроўску, таксама адмовіўся ад удзелу ва ўсіх расійскіх кіна- і тэлепраектах.
«Гвардыя» стане тэлестужкай з 12 частак, якая распавядзе пра гісторыю майданаўцаў і іхных былых праціўнікаў— жаўнераў унутраных войскаў.
Яны разам апынуліся ў рэфармаванай Нацыянальнай гвардыі Украіны і вясной 2014 году пачынаюць абараняць адзінства дзяржавы.
Аляксей Гарбуноў з параненымі ў Днепрапятроўску.
Аляксей Гарбуноў будзе граць у сэрыяле галоўную ролю - былога вайскоўца, да якога звяртаюцца з просьбай удзельнічаць у падрыхтоўке нацыянальных гвардзейцаў.
Украінскія каналы пасля пачатку расійскай агрэсіі паступова адмаўляюцца ад трансляцыі расійскіх серыялаў пра расійскіх сілавікоў і імкнуцца замяняць іх айчыннай і заходняй прадукцыяй.
Аляксей Гарбуноў, які нарадзіўся ў Кіеве, але працаваў у асноўным у РФ, яшчэ ў студзені 2014 года наведаў Майдан і выказаўся на падтрымку дэманстрантаў.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне59
Каментары