Карыстальнікі сацыяльных сетак паведамлялі, што беларускі бок узмацніў праверкі і гэта стала прычынай вялізных чэргаў.
Дзяржаўны мытны камітэт Беларусі абверг паведамленні пра шматкіламетровыя чэргі з грузавых аўтамабіляў на беларуска-расійскай мяжы. «Прыпынак транспартнага сродку доўжыцца не больш за 5-10 хвілін. Столькі часу сыходзіць на адзін транспартны сродак для вывучэння дакументаў і ўдакладнення звестак ў іх», — цытуе паведамленне прадстаўніка прэс-службы мытнага камітэта РІА «Новости».
Ён таксама не пацвердзіў інфармацыю пра ўвядзенне Беларуссю больш жорсткага мытнага кантроля, які, нібыта, і справакаваў чэргі на мяжы. Разам з тым, на беларуска-расійскай мяжы праводзіцца спецыяльнае кантрольнае мерапрыемства.
Нагадаем, 6 снежня на сайце Дзяржаўнага мытнага камітэта Беларусі была змешчана інфармацыя пра вынікі маніторынгу на беларуска-расійскай мяжы, які праводзіўся сумесна мытнікамі, праваахоўнікамі, службамі фітасанітарнага і ветэрынарнага кантроля. За пяць дзён было спынена сем спробаў увозу на тэрыторыю Расіі тавараў, якія трапляюць пад санкцыі. За той жа час было прыпынена 86 грузавых транспартных сродкаў, якія рухаліся з грузамі з Расіі. Па 15 фактах увозу ў Беларусь тавараў без адпаведных дакументаў пачаты адміністрацыйны працэс.
У канцы лістапада Рассельгаснагляд забараніў транзіт праз тэрыторыю Расіі харчавання, якое знаходзіцца пад эмбарга, у трэція краіны праз пункты пропуску Беларусі з-за выяўленай кантрабанды. Многія партыі да заяўленых краін не даязджалі, а насамрэч выгружаліся ў Расіі. Цяпер увоз такіх тавараў для транзіту дапускаецца толькі праз пункты пропуску, размешчаныя на расійскім участку знешняй мяжы Мытнага саюза. Мінск заявіў, што дадзеная мера парушае міжнародныя дамовы.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары