Абжорства са страху дапамагае цвыркунам ратаваць жыццё
Нямецкія заолагі вынайшлі, што цвыркуны ад страху не губляюць масу, а набіраюць яе, і гэта падвышае іх шанцы выжыць пры сустрэчы з драпежнікам, перадае «Образовач» са спасылкай на даследаванне, апублікаванае ў часопісе Ecological Entomology.
Звычайная рэакцыя пазваночных на прысутнасць драпежнікаў – непакой, стрэс і страта вагі. Іншая справа – цвыркуны Nemobius sylvestris, якія са страху пачынаюць набіраць вагу.
Навукоўцы памясцілі цвыркуноў у інсектарыюмы з неабмежаванымі харчамі. У адным было чыста, у другім раней жыў павук, пах якога яшчэ захоўваўся. Праз тры дні «спалоханыя» цвыркуны набралі вагу, павялічыўшы звычайную «дыету» на 70%. Тое, што гэта абарончая рэакцыя, пацвердзіў наступны эксперымент.
На трэці дзень адкорму ў інсектарыюмы памяшчалі жывых павукоў, якія палююць на цвыркуноў. «Спалоханыя» абжоры лепей выжывалі, паказаў эксперымент.
Цяпер чытаюць
Малады работнік «Мінск-Арэны» павінен заплаціць 71 мільён даляраў4
Каментары