Суд у Пекіне ў пятніцу прысудзіў сына вядомага акцёра Джэкі Чана да 6 месяцаў турэмнага зняволення.
У снежні пракуратура прад'явіла 32-гадоваму Джэйсі Чану абвінавачванне ва ўтрыманні наркапрытона. Судовае пасяджэнне па ягонай справе доўжылася менш за 1,5 гадзіны. «Ён асуджаны. Ён прыгавораны да шасці месяцаў зняволення і штрафу ў дзве тысячы юаняў (320 даляраў ЗША)», — цытуе пастанову суда агенцтва Франс Прэс.
Джэйсі Чан, таксама вядомы пад імем Фан Цзумін, быў затрыманы ў верасні ў Пекіне разам са сваім сябрам — вядомым тайваньскім кінаакцёрам, 23-гадовым Кэ Чжэньдунам. Тэст на наркотыкі, які прайшлі маладыя людзі, даў станоўчы вынік. Пасля затрымання паліцыя правяла ператрус у кватэры Джэйсі і выявіла там 100 грамаў марыхуаны.
Старшыня КНР Сі Цзіньпін заявіў ў чэрвені, што яго краіна будзе ўжываць суровыя меры ў дачыненні да людзей, звязаных з наркотыкамі.
У 2009 годзе Джэкі Чан быў прызначаны старшынёй Кітайскага нацыянальнага камітэта па барацьбе з наркотыкамі, у яго абавязкі ўваходзіла прасоўванне антынаркатычнай адукацыі ў краіне. У сувязі з затрыманнем сына ён выступіў з публічнай заявай і сказаў, што бярэ на сябе адказнасць за дзеянні Джэйсі.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары