Французскі спецназ атачыў 8-тысячны гарадок каля аэрапорта Руасі-Шарль-дэ-Голь
Мяркуецца, што тэрарысты укрыліся ў друкарні ў гарадку Дамартэн-ан-Гаэль.
У небе лётаюць верталёты, на дарогах патрулі. Дзецям загадана заставацца ў школе, якая ўзятая пад ахову. Так сёння выглядае невялічкі гарадок Дамартэн-ан-Гаэль (Dammartin-en-Goele). Ён знаходзіцца на паўночны ўсход ад Парыжа, ля аэрапорта Руасі імя Шарля дэ Голя.
Як паведаміў прэс-сакратар Міністэрства ўнутраных спраў, паліцыя амаль пэўная, што два тэрарысты знаходзяцца там у друкарні CDT, што ў прамысловай зоне гарадка. Дамартэн-ан-Гаэль размешчаны ў дэпартаменце Сена і Марна.
Вядома, што бандыты захапілі закладніка. Яны ўзброеныя гранатамётамі і аўтаматамі.
У расстрэле журналістаў «Шарлі эбдо» падазраюць братоў Куашы — 34-гадовага і 32-гадовага французаў алжырскага паходжання, што раней ваявалі на баку «Аль-Кайды» ў Іраку.
Адзін з братоў у свой час адседзеў паўтара года строгага рэжыму за спробу далучыцца да ісламісцкай групоўкі.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары