Расійскія чыноўнікі падпісалі ліст за стварэнне «патрыятычнага інтэрнэту»
Міністр культуры Мядзінскі, віцэ-прэм’ер Рагозін, кінарэжысёр Міхалкоў і іншыя падпісалі «Заяву расійскага ваенна-гістарычнага таварыства», распавядае TJournal.
Тэкст ліста распавядае пра «вайну за розумы», якая «вядзецца з той жа бязлітаснасцю, з якой прыходзілася нашым дзядам біцца ў Севастопалі, пад Сталінградам і ў бітве за Берлін».
Аўтары ліста заклікаюць «не праспаць моладзь», кажуць аб неабходнасці «патрыятычнага трэнду», «фільмаў, кніг, выстаў, сучасных відэагульняў, патрыятычнага інтэрнэту, патрыятычнага радыё і ТВ».
Краіны Еўропы раней заклікалі распрацаваць план барацьбы з расійскай прапагандай. План па стварэнні «контрпрапагандысцкага» тэлеканала намеснік міністра замежных спраў Расіі назваў «неадпаведным самому паняццю свабоды слова».
***
Сапраўды патрыятычны інтэрнэт існуе ў Паўночнай Карэі. Нацыянальная сетка КНДР завецца «Кванмён», доступ у яе дазволены «простым смяротным». Акрамя мясцовай прапаганды ды навінаў там прысутнічаюць выгружаныя з інтэрнэту старонкі, якія адпавядаюць нацыянальнай ідэалогіі Чучхе. Да сусветнага павуціння маюць доступ не больш за некалькі тысяч камп’ютараў (шэраг арганізацый і партыйных дзеячоў), на краіну прыходзіцца толькі 1024 IP-адрасы.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары