Для таго, каб бясплатна дабрацца да школы, вясковым вучням трэба шукаць міжгародні аўтобус. Толькі такі від транспарту прапісаны ў прэзыдэнцкім указе. Таму дзеці вымушаны езьдзіць па навуку за поўную цану.
У прэзідэнцкім указе аб адраснай сацыяльнай падтрымцы на першы погляд, усё добра: «Дзеці з сельскай мясцовасці, якія навучаюцца ва ўстановах…, змогуць бясплатна ездзіць да месца навучання на аўтамабільным пасажырскім транспарце рэгулярных міжгародніх зносін у перыяд з 1 верасня па 30 чэрвеня».
На самой жа справе, міжгародніх маршрутаў праз вёскі праходзіць няшмат. Таму дзеці цяпер вымушаны ездзіць на прыгарадных аўтобусах… за поўны кошт. Альбо пешшу крочыць да школы 3‑4 кіламетры.
Спецыяліст аддзела адукацыі Баранавіцкага райвыканкама запэўнівае Еўрарадыё, што мясцовыя ўлады знайшлі выхад з няпростай сітуацыі:
«Мы будзем з раённага бюджэту даплочваць аўтапарку за падвоз навучэнцаў. Дагавор з ім складаем. Рашэнне выканкаму падпісанае. Вось яшчэ толькі старшыня пакуль не падпісаў».
Тым часам начальнік фінансава‑эканамічнага ўпраўлення «Мінсктранса» Ганна Міхайлоўская паведаміла Еўрарадыё, што да іх звяртаюцца дарэктары школ і кіраўнікі адміністрацый пачатковай адукацыі з просьбай аплачваць па безнаяўным разліку праезд школьнікаў на прыгарадных аўтобусах.
Цяпер чытаюць
«Усе гундзелі, бурчэлі». Лукашэнка расказаў, што ў войску былі незадаволеныя, што навучаць іх запрасілі вагнераўцаў4
Каментары