За апошнія суткі загінула 15 украінскіх байцоў, дзясяткі параненых.
Расійскія сілы працягваюць спробы захапіць важны чыгуначны вузел Дэбальцава. Дэбальцаўскі выступ клінам уваходзіць у тэрыторыю, якую кантралюе ДНР. Каб адбіць гэты горад, расійцы сканцэнтравалі абапал выступу шмат танкаў, бранятэхнікі і артылерыі. Мяркуючы па інфармацыі з раёна баёў, нападаючы бок не лічыцца са стратамі.
Толькі на гэтым відэа, знятым сепаратыстамі, — тры расійскія танкі, падбітыя на адным лапіку.
Інфармацыя 31 студзеня прыходзіла супярэчлівая. Мяркуючы па ўсім, у Вуглягорску працягваліся вулічныя баі. Абодва бакі атакавалі і контратакавалі. Камандзір батальёна «Данбас» Сямён Сяменчанка паведаміў пра дэблакаванне 70 украінскіх вайскоўцаў у Вуглягорску.
Расійцы інтэнсіўна абстрэльвалі Дэбальцава. Медык гавораць аб прынамсі 12 забітых з ліку мірных жыхароў.
Мірныя перамовы ў Мінску 31 студзеня не далі ніякага выніку. Расійскія сілы патрабуюць фактычнай капітуляцыі ўкраінскай арміі — аднабаковага прыпынення агню.
Цяпер чытаюць
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1010
Каментары