Самымі мужчынскімі сайтамі сталі старонкі аб спорце, фінансах, аўто, тэлекамунікацыі і гаджэтах.
Партал marketing.by прадставіў зробленае Gemius даследаванне сайтаў, на якія мужчыны-беларусы заходзяць значна часцей за беларусак. У рэйтынг трапілі не менавіта беларускія сайты, а сайты, што наведвалі беларусы ў снежні 2014 года.
Топ-20 сайтаў у Беларусі паводле долі мужчынскай аўдыторыі:
Самымі мужчынскімі сайтамі сталі ў асноўным старонкі пра спорт, фінансы, аўто, тэлекамунікацыі і гаджэты.
Топ-20 узначаліў беларускі торэнт-трэкер torrents.by — там 89,9% аўдыторыі склалі мужчыны. Сярод беларускіх наведнікаў расійскага парталу 4pda.ru, прысвечанага смартфонам і планшэтам, мужчын было 85,27%. Бізнес-партал probusiness.by мае сярод аўдыторыі 84,46% мужчын.
Пол віртуальных танкістаў аказаўся не такім адназначным — сайт распрацоўшчыкаў World of Tanks wargaming.net заняў толькі 9 месца з 81,21% мужчын у аўдыторыі.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары