Міхаіл Кацюшэнка, начальнік аддзела рэкламы «Беларусьфільма», абверг чуткі пра канфлікт паміж кінастудыяй і расійскім акцёрам.
«Калі і здарылася нешта, то паміж заказчыкамі, арандатарамі студыі. Сам «Беларусьфільм» ніякага дачынення да гэтага не мае. І ніякіх заяваў нашы супрацоўнікі нікому не пісалі, хаця б таму, што сама кінастудыя на сённяшні дзень нічога не здымае», — паведаміў Кацюшэнка.
Увечары 28 лютага на тэлеканале «Белсат» з’явілася інфармацыя аб канфлікце паміж кінастудыяй і расійскім акцёрам Міхаілам Парэчанкавым, які нібыта прыехаў здымацца ў ролі пра супрацоўніка НКУС, падзеі ў фільме адбываюцца ў 1943 г.
Са спасылкай на аднаго з супрацоўнікаў кінастудыі, які стаяў спінай да карэспандэнта «Белсата», паведамлялася, што касцюмеры, грымёры ды іншыя работнікі паклалі заявы на стол дырэктара «Беларусьфільма» аб адмове працы з акторам, бо той нібыта мог дрэнна паўплываць на рэпутацыю кампаніі.
Парэчанкаў «праславіўся» тым, што страляў з кулямёта па пазіцыях украінскіх сілавікоў у Данецкім аэрапорце 30 кастрычніка 2014 г., за гэта ён быў абвешчаны персонай нон-грата ва Украіне, СБУ абвясціла актора ў вышук, ва Украіне таксама адмененыя фільмы з ім.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць27
Каментары