У Чачні ў ходзе расследавання забойства Барыса Нямцова затрыманыя яшчэ два чалавекі. Пра гэта паведамляе «Росбалт» са спасылкай на крыніцу ў праваахоўных органах.
Адзначаецца, што затрыманне прайшло ў ходзе спецаперацыі ў Шалкаўскім раёне. Таксама крыніца дадала, што адзін з затрыманых з'яўляецца стрыечным братам чачэнскага высокапастаўленага сілавіка.
«Гэтыя людзі трапілі ў поле зроку сілавікоў у сувязі з адпрацоўкай асоб, з якімі ў апошні час падтрымлівалі адносіны з [затрыманымі] Дадаевым і Шаванавым. Ступень іх датычнасці да забойства Нямцова правяраецца, ідуць допыты. Рашэнне, ці выходзіць у суд з санкцыяй на арышт, не прынята», — адзначыла крыніца.
Таксама крыніца пацвердзіла, што асноўнай версіяй следства з'яўляецца забойства ў сувязі з выказваннямі Нямцова пра іслам.
Раней падазраваны ў забойстве Барыса Нямцова Заур Дадаеў распавёў, што забойства палітыка было здзейснена з-за яго крытыкі ісламу.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў15
Каментары