Цэнтр падтрымкі людзей з наркатычнай залежнасцю адкрыты ў Мінску пры падтрымцы Беларускага грамадскага аб'яднання «Пазітыўны рух».
Як паведаміў 11 сакавіка на адкрыцці цэнтра яго каардынатар Вячаслаў Самарын, цэнтр створаны з мэтай абмежавання распаўсюджвання ВІЧ-інфекцыі сярод людзей, якія ўжываюць наркотыкі, а таксама іх уцягвання ў комплексную праграму рэабілітацыі і папярэджання цяжкіх форм сацыяльнай дэзадаптацыі.
Нарказалежным будзе дадзенае памяшканне для альтэрнатыўнага наркаспажыванню баўлення часу. Ім таксама будзе прапанавана прайсці экспрэс-тэст на ВІЧ і вірусны гепатыт і дадзеная інфармацыя аб працы ананімных кансультатыўных пунктаў.
Для вызначэння аптымальных форм неабходнай наркаспажыўцам дапамогі і прафілактычнай працы работнікі цэнтра будуць вывучаць ступень іх уцягнутасці ў наркаспажыванне. «Мы будзем аналізаваць, колькі чалавек ужывае, што ўжывае, ці былі спробы спыніць, чым яны скончыліся, што перашкаджае, што трэба ад нас», — растлумачыў Самарын.
У перспектыве ў цэнтры плануецца стварыць карэкцыйныя групы для падлеткаў з груп рызыкі, а таксама групы для блізкіх сваякоў нарказалежных людзей.
Цэнтр працуе з 12.00 да 20.00. У ім дзяжураць менеджар, два сацыяльныя работнікі, псіхолаг або кансультант па залежнасцях. З цэнтрам супрацоўнічаюць 17 аўтрыч-работнікаў, якія распаўсюджваюць інфармацыю пра яго непасрэдна сярод наркаспажыўцоў. Апрача таго, кліенты цэнтра могуць быць накіраваныя да юрыстаў і ўрачоў рознай спецыялізацыі, якія працуюць аддалена.
У цэнтры дзейнічаюць шэраг правілаў: забаронена ўжываць або праносіць псіхаактыўныя рэчывы, у тым ліку слабаалкагольныя напоі, неабходна паважліва ставіцца да персаналу і даваць праўдзівую інфармацыю аб сваёй жыццёвай сітуацыі.
Цэнтр знаходзіцца на вуліцы Матусевіча, 12-107, у будынку былога дзіцячага садка. Усе паслугі ў ім аказваюць ананімна і бясплатна.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў33
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары