Прэзідэнт Літвы Даля Грыбаўскайце атрымала агульнанацыянальную ўкраінскую прэмію «Чалавек года».
фота з фэйсбука Далі Грыбаўскайце
Узнагароду падчас XIX-й штогадовай цырымоніі ўзнагароджання прэмій «Чалавек года» лідару літоўскай дзяржавы ў Кіеве ўручылі першы прэзідэнт Украіны Леанід Краўчук і вядучая тэлеканала «1+1» Наталля Масейчук, піша УНІАН.
Прэмію старшыні літоўскай дзяржавы ўручылі ў намінацыі «Міжнародная прэмія ў галіне грамадска-палітычнай дзейнасці».
У фэйсбуку Даля Грыбаўскайце змясціла фотаздымкі з цырымоніі, суправадзіўшы тэкстам па літоўску і па-ўкраінску: «Ця нагорода – найвища оцінка всієї Литви. Присвячую її Українському народу. Саме сьогодні він найбільше достойний звання Людина року за те, що бореться та захищає свій вибір».
Загінуў беларускі добраахвотнік Васіль «Дзір» Рапіцкі11
Каментары