Начальнік галоўнага следчага ўпраўлення СБУ Васіль Воўк заявіў, што арганізацыі «Украінская паўстанцкая армія», якая ўзяла на сябе адказнасць за шэраг рэзанансных забойстваў у Кіеве, у прыватнасці, экс-нардэпа Алега Калашнікава і журналіста Алеся Бузіны, не існуе.
Пра гэта ён сказаў у эфіры «5 канала».
«Адносна «Украінскай паўстанцкай арміі: вельмі гучная назва, абсалютна «фэйкавая» інфармацыя, арганізацыя і людзі. У нас не зарэгістраваная такая арганізацыя», — сказаў Воўк.
Паводле яго слоў, СБУ на пастаяннай аснове маніторыць інфармацыю адносна ўсіх радыкальных рухаў і арганізацый ва Украіне.
«У нас існуе дэпартамент абароны нацыянальнай дзяржаўнасці, які на пастаяннай аснове вывучае праблемы радыкалізму (правай ці левай скіраванасці), сектанцтва, іншых пытанняў, якія нясуць у сабе пагрозу для жыцця і здароўя людзей альбо дзяржавы», — сказаў ён.
Ён таксама паведаміў, што СБУ правяла экспертызу ліста ад «Украінскай паўстанцкай арміі» палітолагу Фясенку.
«Мы правялі экспертызу гэтага тэксту, і па выніках гэтай экспертызы, там няма ўкраінства, калі казаць пра правы радыкалізм», — дадаў Воўк.
Раней палітолаг Уладзімір Фясенка заявіў, што атрымаў па электроннай пошце ліст з заявай на ўкраінскай мове ад нейкай «Украінскай паўстанцкай арміі», у якім яна бярэ на сябе адказнасць за забойства шэрагу палітычных і грамадскіх дзеячаў ва Украіне, у прыватнасці, Алега Калашнікава і Алеся Бузіны.
-
Жанчына з Тэнэсі выжыла пасля дзвюх смяротных ін'екцый падчас пакарання смерцю і была дастаўлена ў бальніцу
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
Каментары