Прэзідэнт Расіі Уладзімір Пуцін, выступаючы ў Ерэване на мемарыяльнай акцыі ў памяць аб масавых забойствах армян у Асманскай імперыі, заявіў аб тым, што ў свеце растуць русафобскія і антысеміцкія настроі.
«На жаль, зараз у многіх рэгіёнах свету зноў падымае галаву і неафашызм, да ўлады рвуцца радыкальныя нацыяналісты. Набіраюць сілу і антысемітызм, мы бачым і праявы русафобіі. Трэба задацца пытаннем, чаму гэта адбываецца і што з'яўляецца гэтаму прычынай? — сказаў Пуцін. — Пры любым дзеянні ў крытычна важных рэгіёнах свету трэба перш за ўсё падумаць пра тое, што будзе далей, падумаць аб наступствах».
Пуцін заявіў, што Расія «шчыра суперажывае армянскаму народу, які перажыў адну з самых страшных трагедый у гісторыі чалавецтва». Паводле яго слоў, масавыя забойствы армянаў былі ўспрынятыя ў Расіі «як уласнае гора».
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары