У Магілёве ў выніку дзіцячага свавольства з агнём вечарам 25 мая ўзнікла задымленне ў супермаркеце «Еўраопт» па вуліцы Каралёва.
Як паведамілі БелаПАН у Магілёўскім абласным упраўленні МНС, у 17.41 паступіла інфармацыя аб спрацоўванні супрацьпажарнай сігналізацыі ў магазіне. «Да моманту прыбыцця падраздзяленняў МНС гарэнне пакетаў з чыпсамі на стэлажы ў гандлёвай зале ліквідаванае работнікамі магазіна з дапамогай вогнетушыцеля ВП-10. У гандлёвай зале магазіна «Еўраопт» назіралася задымленне, людзі самастойна пакінулі памяшканні», — расказалі ва ўпраўленні.
Як заявілі ў Ленінскім РАУС Магілёва, задымленне арганізавалі трое непаўналетніх, якія былі без нагляду бацькоў: адзін падпаліў, двое глядзелі. Згарэлі тры пачкі чыпсаў. «Падлеткі будуць пастаўленыя на ўлік, а бацькі заплацяць штраф за нанесены ўрон», — паведамілі ў міліцыі.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі2
Каментары