У Мінску 25‑гадовы мужчына пашкодзіў вокны і ўваходныя дзверы рэстарана хуткага харчавання і крамы, кідаючы ў іх камяні, паведамілі ў ГУУС Мінгарвыканкама.
Скрыншот з відэа
Пра здарэнне ў міліцыю паведамілі прадстаўнікі пацярпелых устаноў. На месца прыбылі супрацоўнікі патрульна-паставой службы Фрунзенскага РУУС, якія затрымалі падазраванага.
Паводле слоў затрыманага, перад гэтым ён пасварыўся са сваякамі і выйшаў пагуляць. Праходзячы міма крамы і рэстарана, мужчына ў парыве злосці кінуў некалькі камянёў у шкляныя канструкцыі.
У выніку яго дзеянняў былі нанесеныя страты на суму 8200 рублёў. Кампенсаваць шкоду будзе сам затрыманы.
Па факце здарэння распачалі крымінальную справу за хуліганства.
Памілаваныя 15 чалавек, сярод якіх 13 палітвязняў15
Каментары