Прэзідэнт Украіны Пятро Парашэнка падпісаў законы аб дэнансацыі пагаднення з РФ аб транзіце расейскіх вайскоўцаў у Прыднястроўе і аб дэнансацыі расейска-ўкраінскага пагаднення аб ваенных міждзяржаўных перавозках. За спыненне дзеяння гэтых пагадненняў 21 мая прагаласавала Вярхоўная Рада.
Украінскі парламент у маі прыняў рашэнне аб дэнансацыі яшчэ некалькіх пагадненняў з Расіі: аб ахове сакрэтнай інфармацыі; аб супрацоўніцтве ў галіне ваеннай разведкі і аб супрацоўніцтве ў ваеннай галіне.
Пагадненне, якое рэгулюе праезд вайскоўцаў і перавозку ваенных грузаў з Расіі ў Прыднястроўе праз тэрыторыю Украіны было падпісанае ў 1995 годзе, калі на тэрыторыі непрызнанай рэспублікі была размешчаная аператыўная групоўка войскаў.
Пасля таго, як Вярхоўная Рада прагаласавала за дэнансацыю гэтага пагаднення, у расійскім МЗС заявілі, што Украіна фактычна перакрэслівае намаганні па прыднястроўскім урэгуляванні.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі5
Каментары