Полк Нацыянальнай гвардыі Украіны «Азоў» можа ў хуткім часе быць пераўтвораны ў брыгаду спецыяльнага прызначэння, сказаў жыхарам Марыупаля камандзір «Азова» Андрэй Білецкі, сведчыць відэа, размешчанае ў інтэрнэце.
«Калі ўсё атрымаецца, у бліжэйшы час полк «Азоў» мусіць быць пераўтвораны ў асобную брыгаду спецыяльнага прызначэння. І тады ў нас будзе магчымасць павялічыцца да 2,5 тысячы жаўнераў. Паверце, яны ў нас ёсць. Велізарная колькасць украінскай моладзі хоча, рвецца ў Азоў, але мы маем закрытыя штаты, таму мы не можам набіраць больш людзей», — сказаў Білецкі падчас святкавання гадавіны вызвалення Марыупаля ад расійскіх баевікоў.
У «Азове» беларусы нясуць ці не найважнейшыя абавязкі — працуюць інструктарамі, рыхтуюць жаўнераў.
У мінулым годзе «Азоў», вядомы ў прыватнасці тым, што сабраў многіх футбольных фанатаў і прыхільнікаў крайне правых ідэй, быў пашыраны з батальёна да памераў палка. Але гэтыя асаблівасці прывялі да таго, што амерыканскі Кангрэс адмовіў «Азову» у ўдзеле ў амерыканскай праграме падрыхтоўкі ўкраінскіх вайскоўцаў, бо палічыў яго «неанацыскім».
Цяпер чытаюць
У мінскім метро праходзяць выпрабаванні новыя цягнікі ФОТЫ4
Каментары