Сем арганізацый канцэрна «Белдзяржхарчпрама» ўвойдуць у склад алкагольнага холдынга. Аляксандр Лукашэнка 17 ліпеня падпісаў указ №326, які прадугледжвае стварэнне холдынга па вытворчасці алкагольнай прадукцыі.
Кіруючай кампаніяй будзе ААТ «Мінск Крышталь». У склад холдынга ўвойдуць такія арганізацыі канцэрна «Белдзяржхарчпрам», як ААТ «Брэсцкі лікёра-гарэлачны завод «Белалка», ААТ «Віцебскі лікёра-гарэлачны завод «Прыдзвінне», ААТ «Гомельскі лікёра-гарэлачны завод «Радамір», ААТ «Гродзенскі лікёра-гарэлачны завод», ААТ «Клімавіцкі лікёра-гарэлачны завод», ААТ «Мазырскі спіртагарэлачны завод», ААТ «Харчовы камбінат «Весялова».
Стварэнне холдынга будзе садзейнічаць аптымізацыі асартыменту выпускаемых у краіне алкагольных напіткаў, павышэнню канкурэнтаздольнасці айчыннай алкагольнай прадукцыі і выпрацоўцы адзінай стратэгіі прасоўвання яе на ўнутраным і знешнім рынках.
Указ уступае ў сілу пасля яго афіцыйнага апублікавання.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары