У чарнобыльскай зоне зноў зафіксаваны пажар, паведамляе Дзяржаўная служба па надзвычайных сітуацыях (ДСНС) Украіны.
Узгаранне сухой травы і ляснога подсцілу адбылося 8 жніўня на тэрыторыі комплексу лясной гаспадаркі «Чарнобыльская пушча» ў зоне адчужэння і абавязковага адсялення каля вёсак Замосце і Каўшылаўка Іванкаўскага раёна Кіеўскай вобласці. Агонь з'явіўся ў трох асобных ачагах агульнай плошчай каля 32 га.
Да тушэння пажару прыцягнутыя больш за 100 чалавек і 19 адзінак тэхнікі, у тым ліку 44 чалавекі асабовага складу і 5 адзінак тэхнікі ДСНС. Па стане на 7 гадзін раніцы 9 жніўня пажарным удалося спыніць распаўсюджванне агню, працягвалася тушэнне асобных ачагоў узгаранняў.
Інфармагенцтва УНІАН нагадвае, што прычынай апошняга маштабнага ляснога пажару ў Чарнобыльскай зоне адчужэння, які адбыўся ў канцы чэрвеня, быў наўмысны падпал.
«У 70 працэнтах пажараў, якія ўзніклі на тэрыторыі зоны адчужэння (а гэта 56 пажараў з пачатку 2015), прычынай былі наўмысныя падпалы», - заявіў журналістам старшыня ДСНС Мікалай Чачоткін. Ён удакладніў, што пры ліквідацыі апошняга маштабнага пажару былі знойдзены дзве паходні, якія сведчаць аб наўмысных падпалах.
Цяпер чытаюць
Вольгу Бондараву, імаверна, пасадзілі на 13 сутак35
Каментары