Украіна дамовілася з прыватнымі крэдыторамі аб спісанні 20% доўгу ад агульнай сумы ў больш чым 19 млрд даляраў, заявіў прэм'ер-міністр краіны Арсень Яцанюк.
«Чаканні нашымі ворагамі дэфолт не адбудзецца. Украіна дасягнула пагаднення аб рэструктурызацыі і частковым спісанні даўгоў», — сказаў Яцанюк.
Як патлумачыў прэм'ер, крэдыторы спішуць каля 4 млрд даляраў даўгоў, кошт крэдытаў не будзе павышацца на працягу ўсяго тэрміну пагашэння, а само пагашэнне будзе адкладзена да 2019 года.
Раней Кіеў прапаноўваў крэдыторам не толькі адтэрмінаваць выплаты, але і спісаць істотную частку доўгу, да 40-50% ад яго агульнай сумы.
Крэдыторы ж заяўлялі, што згодныя на адтэрміноўку выплат і зніжэнне плацяжоў па купонах, але выступілі супраць спісання часткі асноўнай сумы доўгу. Пасля крэдыторы пагадзіліся на спісанне 5% доўгу.
Міністр фінансаў Украіны Наталля Ярэсько, адказная за перамовы з крэдыторамі, назвала дасягнутае пагадненне аб рэструктурызацыі «найбольш выгадным з магчымых».
Пры гэтым Украіна папрасіла Расію пагадзіцца на тыя ж ўмовы пагашэння доўгу, што і іншыя крэдыторы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося1
Каментары