Пра гэта стала вядома падчас сустрэчы міністра замежных спраў Уладзіміра Макея з паслом Ізраіля Іосіфам Шагалам. Як паведамляе прэс-служба знешнепалітычнага ведамства, сустрэча прайшла ў сувязі са сканчэннем дыпламатычнай місіі пасла.
«Падчас сустрэчы Шагал перадаў ноту аб выкананні ізраільскім бокам унутрыдзяржаўных працэдур, неабходных для ўступлення ў сілу Пагаднення паміж Урадам Рэспублікі Беларусь і Урадам Дзяржавы Ізраіль аб скасаванні віз для ўладальнікаў нацыянальных пашпартоў, падпісанага ў Мінску 19 верасня 2014 г.», — гаворыцца ў паведамленні.
У адпаведнасці з артыкулам 7 Пагаднення аб скасаванні віз для ўладальнікаў нацыянальных пашпартоў дакумент уступае ў сілу праз 90 дзён з даты атрымання па дыпламатычных каналах апошняга пісьмовага паведамлення, якімі бакі інфармуюць адзін аднаго аб выкананні ўнутрыдзяржаўных працэдур, неабходных для ўступлення пагаднення ў сілу.
Такім чынам, пагадненне ўступіць у сілу 26 лістапада 2015 года.
У рамках пагаднення грамадзянін адной краіны зможа ўехаць на тэрыторыю іншай краіны па нацыянальным пашпарце без неабходнасці ў візе. Знаходжанне на тэрыторыі іншай дзяржавы без візы не павінна перавышаць 90 дзён на працягу паўгода з даты ўезду.
Пагадненне падпісанае тэрмінам на адзін год і будзе працягвацца аўтаматычна да таго часу, пакуль адзін з бакоў не паведамiць другому аб жаданні выйсці з пагаднення.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома20
Каментары