Парашэнка: Захад не даў Украіне зброю, бо баяўся, што зброя адразу ж апынецца ў Расіі
Ва ўкраінскай арміі ўзору сярэдзіны мінулага года было мноства агентаў Крамля. Гэта, а таксама карумпаванасць камандавання Узброеных Сіл Украіны былі аднымі з прычын таго, чаму Захад не падтрымаў Кіеў пастаўкамі сучасных узбраенняў.
Пра гэта прэзідэнт Пётр Парашэнка распавёў у інтэрв'ю «Голасу Амерыкі» на тэлеканале «UΛ: Перший», дадаўшы, што, на думку заходніх назіральнікаў, у 2014 годзе ва Украіне фактычна «не было» арміі.
«Год таму мы не мелі сяброў, нам ніхто не давяраў. Я зараз магу раскрыць сітуацыю, калі я запрасіў нашых амерыканскіх і еўрапейскіх партнёраў аказаць нам ваенную дапамогу, я быў шакаваны як прэзідэнт, пачуўшы адказ: не, мы вам не можам дапамагчы», — сказаў ён.
Сярод галоўных прычын адмовы пастаўляць ВСУ зброю прэзідэнту былі названыя тры. Асноўная — тое, што «ва Украіне няма арміі». А тыя падраздзяленні, якія меў Кіеў на пачатак вайны ў Данбасе, былі «інфільтраваныя агентамі Расіі». Па словах Парашэнкі, на Захадзе асцерагаліся, што зброя, перададзеная Кіеву, «адразу ж апынецца ў Расіі».
Таксама, са слоў украінскага лідара, прычынай адмовы была карумпаванасць вайскоўцаў.
Нагадаем, раней Парашэнка патрабаваў ад краін Захаду 1240 процітанкавых комплексаў FGM-148 Джавелін — па колькасці ядзерных боегаловак, ад якіх Украіна пазбавілася, падпісаўшы ў 1994 годзе Будапешцкі мемарандум.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары